Aqtaýda polıtsııa qyzmetkeri kóligimen bir jarym jasar balany qaǵyp ketti
AQTAÝ. KAZINFORM – Aqtaý qalasynyń 27-shaǵyn aýdanyndaǵy aýlalardyń birinde qaıǵyly oqıǵa boldy. Jol talǵamaıtyn kólik kámeletke tolmaǵan balany qaǵyp ketip, sábı oqıǵa ornynda kóz jumdy.
Mańǵystaý oblystyq polıtsııa departamentiniń málimetinshe, qyzmettik kólikti quqyq qorǵaý organynyń qyzmetkeri basqarǵan. Ol 27-shaǵyn aýdandaǵy turǵyn úıdiń aldyndaǵy jolda bir jarym jasar ul balany qaǵyp ketken. Aýyr jaraqat alǵan sábı esin jımastan oqıǵa ornynda qaıtys bolǵan.
– Atalǵan derek boıynsha QR Qylmystyq kodeksiniń 345-baby 3-bóligi («Kólik quraldaryn basqaratyn adamdardyń jol qozǵalysy nemese kólik paıdalaný qaǵıdalaryn buzýy») boıynsha qylmystyq is qozǵaldy. Júrgizýshi ýaqytsha ustaý ızolıatoryna qamaldy. Qazirgi ýaqytta qajetti tergeý amaldary júrgizilip jatyr, - delingen habarlamada.
Polıtsııa departamenti qaza bolǵan balanyń týǵan-týystary men jaqyndaryna kóńil aıtty. Sondaı-aq vedomstvo basshylyǵy bul isti erekshe baqylaýyna alǵan.
Buǵan deıin habarlaǵanymyzdaı, Oralda polıtsııa qyzmetkeri qyz zorlady degen kúdikke ilindi.
