Aqtaýda polıtseıler sýǵa batyp bara jatqan jasóspirimdi qutqardy
AQTAÝ. KAZINFORM – Aqtaý qalasynda polıtseıler jasóspirimdi ajaldan arashalap qaldy.
Polisia.kz málimetinshe, búgin saǵat 11:09 shamasynda Aqtaý qalasynyń teńiz jaǵalaýynda polıtsııa qyzmetkerlerine teńiz ortasyna qaraı bet alǵan, aınalasyndaǵylarǵa mán bermegen jasóspirim týraly habar kelip túsken.
Oqıǵa ornyna dereý jetken Aqtaý qalasy polıtsııa basqarmasynyń patrýldik polıtsııa batalonynyń qyzmetkerleri Abdýrahım Sáteshov jáne Azamat Qarabalaev jaǵdaıdyń asa qaýipti ekenin kórip, bir sát te kidirmesten teńizge sekirgen. Ózderiniń jeke qaýipsizdigin elemeı, olar jasóspirimdi jaǵaǵa alyp shyǵyp, balanyń ómirin saqtap qaldy.
Polıtsııa qyzmetkerleriniń shuǵyl ári batyl áreketteriniń arqasynda qaıǵyly jaǵdaıdyń aldyn alý múmkin boldy. Qazirgi ýaqytta jasóspirimniń ómiri men densaýlyǵyna eshqandaı qaýip tónip turǵan joq. Jasóspirimmen profılaktıkalyq áńgime júrgizilip jatyr.
Osyǵan deıin Rıdderde aýrýy asqynǵan áıel Óskemenge tikushaqpen jetkizilgenin jazǵanbyz.