Aqtaýda polıpropılen qapshyqtar óndiretin kásiporyn iske qosylady
Investor kompanııa jobaǵa 900 mln teńge qarjy quıady. Jańa kásiporynda 40-tan astam turaqty jumys orny ashylyp, óńirdiń ekonomıkalyq damýyna serpin bermek.
Aýmaǵy 1600 sharshy metrdi quraıtyn ǵımarat Aqtaýdaǵy arnaıy ekonomıkalyq aımaqta ornalasqan.
«Baıqaýǵa 4 kompanııa qatysyp, «Vest eko p last» seriktestigi jeńdi»,-deıdi «Kaspıı» Áleýmettik kásipkerlik korporatsııasynyń basqarma tóraǵasy Baýyrjan Qaıratov.
Polıpropılendi qapshyqtardy qurylys materıaldary men hımııalyq ónimderdi tasymaldaýǵa qoldanady.
Mańǵystaýdaǵy jańa joba kelesi jyldyń sońynda iske qosylady. Óndiris 40-tan astam turaqty jumys ornyn ashýǵa múmkindik beredi. Seriktestikke ǵımarat 2 jylǵa senimgerlik basqarýǵa berilgen. Osy ýaqyt aralyǵynda kásiporynnyń jumysy jandanýy tıis.
«Biz Avstrııalyq kompanııamen kelisimshartqa otyrdyq. Olar qajetti jabdyqtardy jetkizip, montajdap, mamandardy oqytýdy moınyna aldy. Qazirgi tańda jobanyń tehnıkalyq sharttyn aldyq»,-deıdi seriktestik dırektorynyń m.a. Erkebulan Baımoldın.
Kásiporynda jylyna 250 myńnan 500 myń danaǵa deıin polıpropılendi qapshyq shyǵarylady. Naryqta «BıgBeg» dep atalatyn ónimge óńirdegi mekemelerden qazirdiń ózinde suranys kóp.