Aqtaýda polıtsııa qyzmetkerin pyshaqtap óltirgen kúdikti ustaldy

AQTAÝ.QazAqparat - Aqtaý qalasy ıývenaldy polıtsııasynyń kámeletke tolmaǵandar isi jónindegi ýchaskelik ınspektoryn pyshaqtap óltirgen kúdikti ustaldy, dep habarlaıdy QazAqparat tilshisi.

2 tamyz kúni saǵat 03:50 shamasynda moıyn tusyna alǵan jaraqatpen polıtsııa qyzmetkeri oblystyq aýrýhanaǵa jetkizilip, sol jerde esin jımastan kóz jumdy.

«Pyshaqtalǵan ýchaskelik polıtseı jansaqtaý bóliminde esin jımastan qaza boldy. Qazir bul iske kúdikti – 27 jastaǵy azamat ustaldy. Tergeý amaldary júrip jatyr. Sot-medıtsınalyq saraptama taǵaıyndaldy», - dep málim etti Mańǵystaý oblystyq Polıtsııa departamentinen.

Qaza tapqan azamat 26 jasta, Mańǵystaý oblysynda týǵan. Úılengen, 3 balasy bar. Qaıǵyly oqıǵa kezinde polıtsııa qyzmetkeri eńbek demalysynda bolǵan.