Aqtaýda polıtsııa koronavırýs juqtyrǵan adamnyń jezókshelermen baılanysyn jasyrǵan
«Mańǵystaý oblysy boıynsha departament oblystyq prokýratýramen birlese Polıtsııa departamenti laýazymdy tulǵalarynyń zańsyz áreketiniń jolyn kesti. Olar jezókshelikpen aınalysý úshin Aqtaý qalasy aýmaǵynda prıton jelisin uıymdastyrýda shetel azamattaryna qamqorlyq jasap keldi degen kúdikke ilindi», - dedi Q. Japaqov onlaın brıfıngide.
Onyń aıtýynsha, karantın rejımine qaramastan, polıtsııa qyzmetkerleri prıtondardyń quqyqqa qaıshy qyzmetiniń jolyn kesýge negizdelgen sharalardy qabyldamaǵan. Osy oraıda koronavırýs ınfektsııasyn juqtyrǵan adamnyń jezókshelikpen aınalysqandarmen tikeleı baılanysy faktisin jasyrǵandary anyqtaldy.
Sybaılas jemqorlyqqa qarsy kúres qyzmeti paraqorlyq, laýazymdyq ókilettikti teris paıdalaný, jezókshelik prıtondaryn uıymdastyrý, sondaı-aq adamdar ómiri men densaýlyǵyna qaýip týdyratyn jaǵdaılar týraly aqparatty jasyrý faktileri boıynsha tergeý amaldaryn júrgizýde.
Qabyldanǵan sharalar arqyly 87 adam oqshaýlandy. Olardyń arasynda prıtondarda jezókshelikpen aınalysqandar da bar. Tekserý barysynda eki sheteldikte koronavırýs ınfektsııasy anyqtaldy.