Aqtaýda polıtsııa ǵımaratynyń aldynda kólik aýdarylyp qaldy
ASTANA. QazAqparat - Aqtaýda polıtsııa ǵımaratynyń aldynda kólik aýdarylyp qaldy, dep jazady lada.kz.
Kólik apaty Aqtaý qalalyq jol polıtsııasy basqarmasynyń aldynda, 23 shaǵyn aýdanda boldy. Kýágerler jol-kólik oqıǵasyn beınetúsirilimge túsirip aldy.
Oqıǵa 3 qarasha kúni jeńil kólik pen jol talǵamaıtyn kóliktiń soqtyǵysýynyń saldarynan bolǵan jáne jol talǵamaıtyn kólik aýdarylyp qalǵan. Jedel járdem qyzmeti atalǵan oqıǵa bolǵan jerden shaqyrtý almaǵandyǵyn habarlady.
Oqıǵanyń mán-jaıy Mańǵystaý oblystyq polıtsııa departamenti ókilderiniń resmı habarlamalarynan soń belgili bolady.
Osyǵan deıin Jańaózende jol talǵamaıtyn kóliktiń aıaldamada turǵan 7 adamdy qaǵyp, úsheýin jer jastandyrǵandyǵyn jazǵanbyz.
Foto lada.kz saıtynan alyndy
