Aqtaýda polıtsııa bastyǵynyń orynbasary qyzmetkerin uryp-soqqan
AQTAÝ. QazAqparat – Aqtaýda polıtsııa bastyǵynyń orynbasary qyzmetkerin uryp-soqqan. Osyǵan baılanysty qyzmettik tergeý júrip jatyr, dep habarlaıdy QazAqparat tilshisi.
Oqıǵanyń vıdeosy áleýmettik jelide tarap ketti. Vıdeonyń sıpattamasynda Shynbolat Dáribaevtyń qaramaǵyndaǵy qyzmetkerli soqqyǵa jyǵyp jatqany aıtylady. Janjaldyń sebebi belgisiz. Qyzmettik tergeý bastalǵan.
«Mańǵystaý oblysy polıtsııa departamenti Kadr saıasaty basqarmasynyń jeke quram boıynsha ınspektsııasy qazirgi ýaqytta qyzmettik tergeý júrgizip jatyr», - dedi Mańǵystaý oblystyq Polıtsııa departamentiniń baspasóz hatshysy Aıgerim Ibatýllaeva.
