Aqtaýda polıtsııa 7 mıllıon teńge urlaǵandarǵa izdeý saldy
ASTANA. QazAqparat - Aqtaýdyń 12-yqshamaýdanyndaǵy №7 úıdiń páterin tonaǵandardyń tulǵasy anyqtalyp jatyr. Bul týraly Mańǵystaý oblystyq ІІD baspasóz qyzmeti málimdedi, dep habarlaıdy Lada.kz.
Vedomstvonyń aqparatyna qaraǵanda, qaraqshylyq deregi Aqtaý ІІB Sotqa deıingi tergep-tekserýlerdiń biryńǵaı tizilimine QR QK 188- babynyń («Urlyq») 4-bóligimen tirkelgen.
Aıta keteıik, belgisiz adamdar úıde eshkim joqta páterdiń esiginen kirip, seıftegi 7 mıllıon teńgeden astam aqsha men jalpy quny eki jarym mıllıon bolatyn altyn áshekeılerdi jymqyryp ketken.
Jábirlenýshiler sol turǵyn úıdiń turǵyndarynyń biri urlaǵan dep kúdiktenip otyr.
Páter ıeleriniń aıtýynsha, tergeý amaldary baıaý júrip jatyr. Sondyqtan olar qalalyq prokýratýraǵa júginbek.
Foto: lada.kz
