Aqtaýda páterden áıel adamnyń máıiti tabyldy

AQTAÝ. KAZINFORM – Aqtaý qalasynyń 7-shaǵyn aýdanyndaǵy páterlerdiń birinen egde jastaǵy áıeldiń máıiti tabyldy. Úshinshi qabattaǵy páterden shyqqan jaǵymsyz ıisti sezgen turǵyndar dabyl qaǵyp, quzyrly organdarǵa habar bergen. 

№27 úı turǵyndarynyń aıtýynsha, zeınetker áıel jalǵyz turǵan. Sońǵy kúnderi ony eshkim kórmegen, keıin podezde máıit ıisine tán ótkir ıis paıda bolǵan. Kórshiler kúmándanyp, jedel qyzmetterge habarlasqan.

Oblystyq polıtsııa departamenti baspasóz qyzmetiniń habarlaýynsha, oqıǵa 3 naýryz kúni shamamen saǵat 16:00-de bolǵan. Oqıǵa ornyna polıtsııa qyzmetkerleri men qutqarýshylar barǵan. Tótenshe jaǵdaılar departamentiniń mamandary páterdiń terezesin ashyp, ishke kirip, quqyq qorǵaý organdary qyzmetkerlerine esik ashyp bergen. Páter ishinen 79 jastaǵy áıel adamnyń máıiti tabyldy. 

Buǵan deıin, Shymkentte Dendrosaıabaq aýmaǵynan er adamnyń máıiti tabylǵanyn jazǵan bolatynbyz.