Aqtaýda parkıngte toı ótkizgenderden túsinikteme alyndy

AQTAÝ. QazAqparat - Aqtaýlyqtar toı ótkizetin jańa oryn tapty. Jas jubaılar úılený toıyn parkıngte ótkizgen, dep habarlaıdy QazAqparat tilshisi.

Olardyń vıdeosy áleýmettik jelide keńinen tarady. Beınetaspa Aqtaý qalasynda túsirilgen. Onda toıdy júrgizetin asaba qaladaǵy turǵyn úılerdiń birinde dúbirli karantın kezinde toı ótkizýdiń «úlgisin» kórsetedi.

«Al, qurmetti qurmetti qonaqtar! Búgingi toıǵa qosh keldińizder! Eki jas baqytty bolsyn. Parkıngtegi toıdy eshkim kórmegen shyǵar. Biz bastap jatyrmyz. Betasharǵa daıyn bolyńyzdar», - deıdi asaba.

Toı 35 shaǵyn aýdandaǵy úılerdiń biriniń jerasty turaǵynda ótken. Polıtseıler toı ıeleriniń kim ekenin anyqtaǵan.

Mereke ıesiniń aıtýynsha, olar uzaq otyrmaǵan. Sebebi parkıng óte sýyq bolǵan. Toı ıesi men asabadan da túsinikteme alynǵan. Qazir karantın talaptaryn buzǵandardyń isi monıtorıng topqa tapsyryldy.