Aqtaýda óziniń 3 balasyn óltirgen ákege sot úkimi ózgerissiz qaldy

AQTAÝ. QazAqparat – Aqtaýda óziniń úsh balasyn óltirgen ákege qatysty sot úkimi apellıatsııalyq tártippen qaıta qaralyp, ózgerissiz qaldy. Bul týraly Mańǵystaý oblystyq sotynyń baspasóz qyzmetinen málim etti, dep habarlaıdy QazAqparat tilshisi.

«Apellıatsııalyq is sottalýshynyń jáne onyń advokatynyń apellıatsııalyq shaǵymdary boıynsha qaraldy, olar sottyń aıyptaý úkimin joıyp, 20 jylǵa bas bostandyǵynan aıyrý jazasyn taǵaıyndaýdy surady.

Sot alqasy úkimdi ózgertýge nemese joıýǵa negiz joq dep tanydy. Sondyqtan qylmystyq ister jónindegi sot alqasynyń qaýlysymen birinshi satydaǵy sottyń úkimi ózgerissiz, apellıatsııalyq shaǵymdar qanaǵattandyrýsyz qaldyryldy», - delingen baspasóz málimetinde.

Eske salsaq, maýsym aıynyń sońynda Aqtaýda óziniń kámeletke tolmaǵan úsh balasyn asqan qatygezdikpen óltirgen ákege sot úkimi shyqqan bolatyn. Ol ómir boıynsha bas bostandyǵynan aıyryldy.