Aqtaýda óziniń 3 balasyn óltirdi degen kúdikpen er adam ustaldy

AQTAÝ. QazAqparat - Aqtaýda Polıtsııa kámeletke tolmaǵan 3 balasyn óltirdi degen kúdikpen 36 jastaǵy er adamdy ustady. Bul týraly Mańǵystaý oblystyq Polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«Aqtaý qalasyndaǵy 27 shaǵyn aýdannyń páterinen zorlyqpen ólim belgileri bar jasóspirimder tabylǵan. 2011, 2014 jáne 2016 jyly týǵan kámeletke tolmaǵandardy óltirdi degen kúdik boıynsha polıtsııa qyzmetkerleri 36 jastaǵy ákesin ustady» delingen málimette.

Qazaqstan Respýblıkasy Qylmystyq kodeksiniń 99-baby boıynsha sotqa deıingi tergeý amaldary bastaldy.

Jedel-tergeý is-sharalary júrgizilýde.