Aqtaýda Ózbekstanǵa áýe reısi ashyldy

AQTAÝ. QazAqparat – Aqtaý-Úrgensh-Aqtaý baǵyty boıynsha halyqaralyq reıs ashyldy, dep habarlaıdy QazAqparat tilshisi.

Horezm oblysynyń ákimshilik ortalyǵy, ejelgi Úrgenishke «Skat» áýe kompanııasynyń ushaǵy aptasyna 2 ret qatynaıdy.

«Qazaqstan men Ózbekstan arasynda tikeleı qarym-qatynas ornatýǵa tamasha múmkindik. 8 naýryzda Boeing 737 ushaǵy alǵashqy reısti sátti jasady. Scat.kz saıtynda bıletti brondaýǵa bolady. Ortasha baǵa 73 myńnan bastalady. Aptasyna dúısenbi jáne sársenbi kúnderi qatynaıdy»,-deıdi avıakompanııa ókilderi.

Sondaı-aq, ushaqta barlyq sanıtarlyq-epıdemologııalyq talaptar qatań saqtalady.