Aqtaýda Ózbekstan azamatshasy zergerlik buıymdar kontrabandasymen ustaldy

ASTANA. QazAqparat - Demalys kúnderi «Aqtaý» halyqaralyq áýejaıynyń ótkizý beketinde qazaqstandyq shekarashylar zergerlik buıymdardy alyp ótý isiniń jolyn kesti, dep habarlaıdy «QazAqparat» HAA QR UQK Shekara qyzmetine silteme jasap. 

Shekara jasaǵy «Ystanbul-Aqtaý» baǵytyndaǵy reıste zergerlik buıymdary bar 24 jastaǵy Ózbekstan azamatshasyn ustady. Ol 30-ǵa jýyq áshekeılerdi - júzik, syrǵa, alqa jáne bilezikti alyp ótpekshi bolǵan.

Áshekeıler qol júgin tekserý kezinde tabylǵan. Quqyq qorǵaý organdary men Mańǵystaý oblysyndaǵy árekettes organdardyń ókilderine habar berildi.

Sondaı-aq, «Almaty - Beıjiń» reısinde deklaratsııalanbaǵan aqshalaı somany - 10 000 dollar, 3 125 ıýan jáne 50 000 teńgeni alyp ótbek bolǵan 61 jastaǵy qazaqstandyqtyń ustalǵany habarlandy.