Aqtaýda oıyn alańynan kishkentaı qyzdy alyp ketken kúdikti pedofıl ustaldy
Oblystyq polıtsııa departamentiniń habarlaýynsha, atalǵan derek boıynsha qylmystyq is qozǵaldy.
«QR Qylmystyq Kodeksiniń 124-bap 1-bólimi (Kórineý jas balaǵa qatysty kúsh qoldanbaı azǵyndyq áreketter jasaý) boıynsha iz qozǵalyp, sotqa deıingi tergeýdiń biryńǵaı tizilimine tirkeldi. Belgili bolǵandaı, 29 shilde kúni shamamen saǵat 13:00-de Aqtaý qalalyq polıtsııa basqarmasyna habarlama tústi. Belgisiz er adam oıyn alańynda júrgen kishkentaı qyzdy ertip ketken. Ári qaraı podezge kirgizip, azǵyndyq áreketin iske asyrmaq bolǵan. Abyroı bolǵanda, kórshileri kórip qalǵan. Polıtsııa qyzmetkerleri dereý jetip, kúdiktini ustady»,-delingen habarlamada.
Eske salsaq, osyǵan uqsas oqıǵa 23 shildede Sátbaev qalasynda boldy. Polıtsııasyna er adam bes jasar qyzynyń joǵalǵanyn aıtyp, aryzdanǵan bolatyn. Qyzdy izdeý jumystaryna jergilikti polıtsııa bóliminiń barlyq jeke quramy men júzden astam erikti qatysty. Bala túnde kópqabatty úılerdiń birinen tabyldy . Bul shaharda úlken shý týǵyzdy.
Sondaı-aq, Sátbaev qalasyndaǵy jaǵdaıǵa baılanysty keńes ótkizdi.