Aqtaýda órtengen páterden áıel adamnyń denesi tabyldy
AQTAÝ. QazAqparat - Aqtaýda órtengen páter ishinen 35 jastaǵy kelinshektiń denesi tabyldy, dep habarlaıdy QazAqparat tilshisi.
Qazir oqıǵanyń mán-jaıy anyqtalyp jatyr. Aqtaýda aptap ystyqta qaladaǵy turǵyn úıdiń birinde órt shyqqan. Oqys oqıǵa 1 shilde kúni keshke bolǵan.
Kórshiler men kýágerler órttiń qashan jáne qalaı tutanǵanyn bilmeıdi. Kópshilik qyzyl jalyn kúsheıip, qara tútin birneshe qabatty sharpyǵan kezde dabyl qaqqan. Oqıǵa ornyna 3 órt sóndirý tehnıkasy men 18 jeke quram qyzmetkerleri jumyldyrylǵan. Órtti aýyzdyqtaý barysynda bir adam jeńil jaraqat alǵan. Al órtengen úıde 35 jastaǵy kelinshektiń denesi tabylǵan.
«Órt sóndirý barysynda jeke qurammen 15 adam qaýipsiz jerge kóshirildi, 50 adam evakýatsııalandy. Órt saldarynan 1 adam zardap shekti jáne 1983 jylǵy áıel adamnyń máıiti tabyldy. Órttiń shyǵý sebebi qazirgi tańda anyqtalyp jatyr», - deıdi oblystyq TJD órt qaýipsizdigi salasyndaǵy baqylaý jáne profılaktıkalyq qyzmet basqarmasynyń basshysy.
