Aqtaýda ortalyq qubyrmen aýyzsý berý qysymy tómendetiledi

AQTAÝ. QazAqparat - Aqtaýda ystyq sý shyǵynynyń ulǵaıýyna baılanysty qalanyń tómengi jáne joǵarǵy aımaqtarynda aýyzsý qysymy tómendetiledi, dep habarlaıdy QazAqparat.

«Aqtaýda ystyq sý shyǵynynyń ulǵaıýyna jáne quramynda dıstıllıaty bar rezervýarlardaǵy deńgeıdiń tómendeýine baılanysty kásiporyn qalanyń tómengi jáne joǵarǵy aımaqtaryna aýyzsý qysymyn tómendetýge májbúr«, - delingen «Maek-Qazatomónerkásip» JShS málimetinde.

Aıta keteıik, Aqtaý halqynyń kásiporynǵa 606 mln teńge qaryzy bar ekenin jáne Prezıdent óńirge saparynda «Maek-Qazatomónerkásipti» jańǵyrtý baǵdarlamasyn júzege asyrýdy tapsyrǵanyn jazǵan edik.