Aqtaýda Ortalyq Azııa elderiniń ekologııalyq vedomstvo mınıstrleriniń kezdesýi ótti
AQTAÝ. KAZINFORM — Elimizde 2026 jyly ótetin óńirlik ekologııalyq sammıtiniń tujyrymdamasyn bekitý boıynsha Ortalyq Azııa elderiniń ekologııalyq vedomstvo mınıstrleri kezdesti.
Іs-sharaǵa Qazaqstan Respýblıkasynyń Ekologııa jáne tabıǵı resýrstar mınıstri Erlan Nysanbaev, Tájikstan Respýblıkasy Úkimeti janyndaǵy Qorshaǵan ortany qorǵaý komıtetiniń tóraǵasy Bahodýr Sheralızoda, Ózbekstan Respýblıkasynyń Ekologııa, qorshaǵan ortany qorǵaý jáne klımattyń ózgerýi mınıstri Azız Abdýhakımov, Qazaqstandaǵy BUU Turaqty úılestirýshisi Sarango Radnaragcha, BUU EEK Turaqty energetıka komıtetiniń dırektory Darıo Lıgýttı, Qazaqstandaǵy BUUDB-nyń Turaqty ókili Katarjına Vavernıa qatysty. Qyrǵyz Respýblıkasynyń Tabıǵı resýrstar, ekologııa jáne tehnıkalyq qadaǵalaý mınıstriniń orynbasary Asel Raımkýlova onlaın formatta qatysty, al Ázerbaıjan Prezıdentiniń klımat máseleleri jónindegi arnaıy ókili ári COP29 prezıdenti Muhtar Babaev qatysýshylarǵa beınejoldaý joldady.
Kezdesý aıasynda qatysýshylarǵa ÓES-2026 sheńberindegi jasyl startaptar kórmesi usynyldy. Bul kórme Ortalyq Azııa elderi ekologııalyq vedomstvolary mınıstrleriniń kezdesýine arnalǵan negizgi is-sharalardyń biri boldy.
— Kórmede usynylǵan barlyq joba — GCIP Kazakhstan Jasyl akseleratsııa baǵdarlamasynyń qatysýshylary. Bul baǵdarlama ekologııalyq ınnovatsııalardy ilgeriletý jáne turaqty kásipkerlikti damytýǵa baǵyttalǵan. Atalǵan startaptar qorshaǵan ortany qorǵaý salasyndaǵy ózekti máselelerge naqty tehnologııalyq sheshimder usynady jáne Qazaqstanda jasyl ekonomıkany qalyptastyrýǵa yqpal ete alady, — deıdi sharany uıymdastyrýshylar.
Kezdesý barysynda taraptar ÓES-2026 sheńberindegi tujyrymdama men kórme jobasyn, sondaı-aq jańartylǵan tujyrymdama men óńirlik bastamalardy talqylady.
Ekologııa jáne tabıǵı resýrstar mınıstri Erlan Nysanbaev óńirlik bastamalardy júzege asyrý men tájirıbe almasý baǵytynda kúsh biriktirýdi usyndy. Bul óz kezeginde búkil óńirdiń ekologııalyq ahýalyn jaqsartýǵa múmkindik beredi. Іs-shara qorytyndysy boıynsha taraptar kezdesý hattamasyna qol qoıdy.
Buǵan deıin, Mańǵystaýda «Jumysshy mamandyqtar jyly» aıasynda 850 bos jumys oryndary usynylǵany týraly jazǵan edik.