Aqtaýda onlaın neke qıdyrýǵa ótinish bergender kóbeıgen

AQTAÝ. QazAqparat – Aqtaýda koronavırýstyq pandemııa bastalǵan alǵashqy aılarda neke qıdyrýǵa ótinish bergender sany az bolǵan. Degenmen, sońǵy eki aıda onlaın neke qıdyrýǵa ótinish bergen juptardyń sany artqan, dep habarlaıdy QazAqparat tilshisi.

«Aqtaý qalalyq azamattyq hal aktilerin tirkeý bólimi» memlekettik mekemesiniń basshysy Aısha Elemesovanyń málimetinshe, sáýir aıynda kúrt tómendegen neke sany ádettegi kórsetkishterge oraldy. Aqtaýdaǵy erli-zaıyptylar jappaı is-sharalar ótkizýge tyıym salynǵanyna qaramastan, nekeni tirkeýge ótinish bergender sany kóbeıgen.

«Qazir AHAJ-da aptasyna eki-úsh rásim ótkiziledi. Kóbi neke týraly qujattardy Halyqqa qyzmet kórsetý ortalyǵynan alady. Al saltanatty bólim basqa jerde ótkiziledi. AHAJ-ǵa qol qoıýǵa kelgenderge biz ádemi sýretke túsip, qonaqtarmen birge negizgi zalǵa barýdy usynamyz», - dedi qalalyq azamattyq hal aktilerin tirkeý bóliminiń basshysy Aısha Elemesova.

Nekeni tirkeýge ótinish HQKO arqyly qujattardy rettegennen keıin beriledi.

«Rásimderde bizde maska rejımi saqtalady. Zalda onnan artyq adam otyrýǵa bolmaıdy. Ádette jas-jubaılardyń eń jaqyn dostary men týystary ǵana qatysady. Zaldar keń. Sondyqtan saltanaty shara barysynda qonaqtar men AHAT qyzmetkerleri arasyndaǵy qashyqtyqty saqtaýǵa múmkindik beredi», - dedi Aısha Elemesova.