Aqtaýda Onlaın BKM jármeńkesi ótip jatyr

AQTAÝ. QazAqparat - Aqtaý qalasyndaǵy «Atameken» UKP Kásipkerlerge qyzmet kórsetý ortalyǵynyń aýmaǵynda jalpy respýblıkalyq biryńǵaı Ashyq esik kúni aıasynda Mańǵystaý oblysy boıynsha Memlekettik kirister departamenti 2019 jylǵy 28 qazanda saǵat 10.00-den tehnıkalyq qyzmet kórsetý ortalyqtary ókilderiniń qatysýymen Onlaın jármeńkesin ótkizýde, dep habarlaıdy QazAqparat Mańǵystaý oblysy boıynsha Memlekettik kirister departamentine silteme jasap.

2020 jyldan bastap aqsha aınalymymen aınalysatyn barlyq kásipkerler onlaın-BKM BKM (baqylaý-kassalyq mashına) qoldanýǵa mindetti.

Onlaın-BKM ınternetke qosylady jáne FDO-ǵa aqsha operatsııalary týraly málimetterdi beredi.

Aıta ketken jón, Onlaın-BKM eki úlken sanatqa bólinedi: 1. Apparattyq. Bul kartalardy qabyldap, chekterdi basyp shyǵara alatyn derbes qurylǵylar. Mundaı BKM batareıadan nemese turaqty qýat kózinen derbes jumys isteı alady.

2. Baǵdarlamalyq. Bul siz baǵdarlamany satyp alyp, ony kez kelgen qurylǵyǵa ornata alatyn jaǵdaı: noýtbýk, planshet nemese smartfon.

Salyq tóleýshilerge olardyń bıznesi úshin qolaıly kassalyq sheshimder týraly bilýge, zamanaýı kassalyq apparat satyp alýǵa jáne olardy paıdalaný boıynsha keńes alýǵa múmkindik berildi.