Aqtaýda ónerkásiptik aımaqta iri órt boldy
ASTANA. QazAqparat - Aqtaýda ónerkásiptik aımaqta kilem jýatyn ortalyq órtenip ketti. Tilsiz jaý 360 sharshy metr aýmaqty sharpyǵan, dep habaraıdy Lada.kz.
Aqtaýdyń Tótenshe jaǵdaılar basqarmasynyń ınjeneri Roza Túbekbaeva órt týraly habar 12 qańtar kúni 20:25-te túskenin aıtady. Oqıǵa ornyna órt sóndirý bóliminiń qyzmetkerleri men 7 arnaıy tehnıka barǵan.
«Órt kezinde ǵımarat ishindegi gaz ballony jarylǵan. Al TJB qyzmetkerleri ekinshisin jarylmaı turyp alyp shyqqan. Tilsiz jaý 360 sharshy metr aýmaqty sharpyǵan. Apattan qurban boǵandar joq. Oqıǵanyń sebebi men shyǵynyn Mańǵystaý oblysy TJD kezekshi sarapshysy anyqtaýy tıis. Órt úsh saǵattan soń sóndirildi. Sebebi tóbe jabyny, qabyrǵalar aǵashtan jasalǵan», - dedi Roza Túbekbaeva.
