Aqtaýda óndiristen shyqqan órtten keıin qalany qara tútin basty

AQTAÝ. KAZINFORM - Aqtaýda óndiristik aýmaqta ornalasqan munaradan órt shyǵyp, qalaǵa qoıý qara tútin tarady.

Oqystan bolǵan órttiń sebebine qatysty Mańǵystaý oblystyq tótenshe jaǵdaılar departamenti túsinikteme berdi. Anyqtalǵan jaǵdaı boıynsha jalyn iske jaramsyz munaradan shyqqan. 

«Búgin saǵat 11-55-te Aqtaýdaǵy 5-shi óńdiristik aımaqta ındýstrıalandyrý Mańǵystaý parki aýmaǵynda bıiktigi 63 metrdi quraıtyn iske jaramsyz munaranyń ishindegi munaı hımııalyq qaldyqtar janyp ketti. Órttiń aýdany 100 sharshy metrge deıin jetken. Qazirgi ýaqytta TJD órt bolǵan jerge 6 arnaıy tehnıka jumyldyryp, apattyń sebebi anyqtalyp jatyr, - dedi TJD-niń baspasóz qyzmetindegiler.