Aqtaýda óltirip ketken KTK oıynshysy Danııar Álimbevqa qatysty is sotqa joldandy
AQTAÝ. QazAqparat - Aqtaýda Kóńildiler men tapqyrlar klýbynan Aqtóbe quramasynyń eks-oıynshysyn óltirý isi boıynsha tergeý amaldary aıaqtaldy. Іs materıaldary sotqa jiberildi. Bul jóninde marqumnyń dostary málim etti, dep habarlaıdy Lada.kz.
Danııar Álimbaevtyń dostarynyń aıtýynsha, onyń ólimine qatysty is materıaldary ótken aptada, 14 qyrkúıek kúni, sotqa jiberilgen. Іs boıynsha oqıǵadan keıin birden ustalǵan úsh kúdikti tergeýden ótip jatyr.
«Bilýimizshe, úsheýi de tergeý ızolıatoryna jiberilgen. Bireýine kisi óltirdi degen kúdik keltirilip otyr. Qalǵan ekeýi atalmysh is boıynsha sybaılas retinde tergeýden ótip jatyr. Olar jazalaryn alyp, jaýapkershilikten jaltarmaıdy dep úmittenemiz», - dedi Danııar Álimbaevtyń dostary.
Eske salaıyq, Kóńildiler men tapqyrlar klýbynyń burynǵy múshesine pyshaq suǵyp alǵannan keıin ol kóz jumǵan edi. Іs boıynsha úsh kúdikti ustaldy.
Qaza tapqan er adamnyń dostary tergeý amaldarynyń júrý protsesine alańdaýshylyq bildirip, is qaraýsyz qalady dep qoryqqan. Alaıda Mańǵystaý oblysy ІІD basshylyǵy isti óz baqylaýyna alyp, eshkim zańnan qashyp-kutyla almaıtynyn eskertti.
