Aqtaýda oqýshynyń anasy dene shynyqtyrý sabaǵyn qysqartyp, ornyna Álippe oqytýdy surady

AQTAÝ. QazAqparat - Aqtaý qalasynyń turǵyny mektepte keıbir pánderdiń saǵatyn qysqartýdy surady, dep habarlaıdy QazAqparat.

Oblys ákimdiginiń Telegram kanalyna Aqtaýdaǵy 1-synyp oqýshysynyń ata-anasy oqytý baǵdarlamasynda dene shynyqtyrý páni aptasyna úsh ret ótkiziletinin, bul mektepke jańa barǵan balanyń oıyn bóletinin aıtyp shaǵymdanǵan.

Jeli qoldanýshysy 1-synyp oqýshylaryna dene shynyqtyrý sabaǵyn azaıtyp, ornyna álippe oqytýdy surap, usynys jasady.

«Dene shynyqtyrý sabaǵyn aptasyna bir márte ótse de jetkilikti» deıdi turǵyn.

Ata-ananyń saýalyna Aqtaý qalalyq bilim bóliminiń mamandary jaýap berdi.

- 2007 jylǵy 27 shildedegi Bilim týraly zańnyń 5-baby 6-tarmaqshasy boıynsha Qazaqstandaǵy bastaýysh, negizgi orta, jalpy orta bilim berýdiń úlgilik oqý jospary bekitildi. Osy úlgilik oqý josparyn negizge ala otyryp, QR Oqý-aǵartý mınıstriniń 12 tamyzdaǵy buıryǵyna sáıkes bastaýysh, negizgi orta, jalpy orta mektepterde dene shynyqtyrý páni aptasyna 3 saǵattan ótkiziletinin eske salamyz, - dedi jaýapty bólim mamandary.

Osylaısha bilim bólimi sabaqty qysqartýǵa bolmaıtynyn túsindirdi.

«Telegram kanalǵa qazirgi tańda 11 399 adam tirkelgen. Osy ýaqytqa deıin 12 216 suraq kelip túsip, onyń 12 190-na jaýap berildi», - deıdi qoǵamdyq kommýnıkatsııa ortalyǵy BAQ-pen jumys bóliminiń mamany Aqmaral Qultýmaeva.