Aqtaýda oqýshylarǵa sabaq bolmaıdy degen aqparat jalǵan - ákimdik

AQTAÝ. QazAqparat - Aqtaýda belgisiz bireýler kóktaıǵaqqa baılanysty qala mektepteriniń 0-12 synyp oqýshylaryna sabaq bolmaıtyny jóninde habarlama taratqan, dep habarlaıdy QazAqparat tilshisi.

Búgin WhatsApp messendjerinde mynadaı aqparat paıda boldy: «Aqtaý qalasynyń Bilim basqarmasy habarlaıdy: aýa raıynyń qolaısyzdyǵyna baılanysty qala mektepteriniń birinshi jáne ekinshi aýysymyndaǵy 0-11 (12) synyp oqýshylaryna jáne kolledjderdiń 1-2 kýrs stýdentteri úshin sabaq bolmaıdy». 

Osyǵan baılanysty qala ákiminiń baspasóz qyzmeti áleýmettik jelilerdegi resmı paraqshalarynda jazba jarııalady.

«Qurmetti qala turǵyndary! Áleýmettik jelilerde jáne ata-analar chatynda osyndaı SMS tarap jatyr. ıAǵnı, habarlamada sabaq bolmaıtyny jazylǵan. Alaıda, bul aqparattyń jalǵan ekenin aıtqymyz keledi. Sondyqtan, mektepter men kolledjderde sabaq qalypty jaǵdaıda ótkizile beredi. Eger qandaı da sebeptermen sabaq bolmaıtyn bolsa, qala ákimdigi resmı túrde habarlaıdy. Sondyqtan, mundaı jalǵan aqparatqa senbeńizder», - deıdi qala ákiminiń baspasóz qyzmeti.