Aqtaýda oqýshy balany jaıaý júrginshiler jolaǵynda qaǵyp ketti
ASTANA. QazAqparat - Aqtaýda jaıaý júrginshiler jolaǵynda oqýshy balany kólik qaǵyp ketti, dep habarlaıdy tumba.kz.
«Búgin tańǵy saǵat 9:30 shamasynda 26 jáne 27-inshi móltekaýdandar arasyndaǵy jaıaý júrginshiler jolaǵynda 9-10 jas shamasyndaǵy qyz balany kólik qaǵyp ketti. Oqıǵa kýási bolǵan kólik qozǵalysyna qatysýshylar men jaıaý júrginshiler dereý kómekke umtyldy», - delingen aqparatta.
Balany soqqan KIA avtokóliginiń júrgizýshisi ony aýrýhanaǵa jetkizetindigin aıtqan.
Oqıǵa ornyna jaqyn jerde quqyq qorǵaý organdarynyń kóligi bolǵany atap ótiledi.
