Aqtaýda oqýshylar synyptasynyń ókpesin qysyp, taldyryp tastaǵan
AQTAÝ. KAZINFORM – 7-synyptyń qyzdary osylaısha qaýipti oıyn oınap, ony beınejazbaǵa túsirgen.
Osy oqıǵaǵa qatysty Mańǵystaý oblystyq bilim basqarmasy túsinikteme berdi. Aıtýlarynsha, oqıǵa 18 sáýir kúni Aqtaý qalasyndaǵy jalpy bilim beretin mektepterdiń birinde bolǵan. Qyzdar ájethanasynda 7-synyp oqýshysyn ókpe tusynan qysý arqyly taldyrý faktisi tirkelgen.
– Búgingi tańda jasóspirimder men olardyń ata-analarymen profılaktıkalyq-psıhologııalyq jumystar júrgizilip jatyr. Sonymen qatar atalǵan oqıǵaǵa qatysty oqýshylardyń áreketi Aqtaý qalasy ákimi janyndaǵy kámelet jasqa tolmaǵandardyń isi boıynsha arnaıy komıssııada qaralady. Aqtaý qalalyq bilim bólimi basshysynyń tarapynan mektep dırektoryna tártiptik shara qoldanyldy, - delingen habarlamada.
Buǵan deıin, Jańaózende synyptastary 11-synyp oqýshysyn aıamaı uryp-soqqany týraly jazǵan bolatynbyz.
Sondaı-aq Mańǵystaý oblysy Beıneý aýdanynda 17 jastaǵy oqýshy kisi qolynan qaza tapqanyn habarlaǵan edik.