Aqtaýda nıkab kıip, «qarý» ustaǵan qyzdardyń ata-analary jaýapqa tartyldy
AQTAÝ. KAZINFORM – Mańǵystaý oblystyq polıtsııa departamenti áleýmettik jelilerdi baqylaý barysynda, nıkab kıgen eki qyzdyń oıynshyq avtomattarmen júrgen beınejazbasyn baıqaǵan. Tekserý is-sharalaryn júrgizý barysynda osy oqıǵaǵa qatysy bar adamdar ustalyp, polıtsııaǵa jetkizildi.
26 shildede saǵat 22:30 shamasynda Aqtaý qalasynyń 15 jasar turǵyny óziniń 17 jasar dosymen kezdesip, «Aqbota» balalar saıabaǵynda oıynshyq avtomattaryn satyp alyp, beıne kontent jasap, áleýmettik jelige júktegen.
Osy oqıǵaǵa baılanysty, jasóspirimderdiń zańdy ókilderi túngi ýaqytta kámeletke tolmaǵandardyń jalǵyz jiberý jáne kámeletke tolmaǵandardy tárbıeleý jónindegi mindetterdi oryndamaý faktileri boıynsha ákimshilik jaýapkershilikke tartyldy.
Olarǵa túsindirý jumystary júrgizilgen. Sondaı-aq qyzdar profılaktıkalyq esepke alyndy.
