Aqtaýda #NauryzSale aktsııasy aıasynda jármeńkeler ótip jatyr
AQTAÝ. KAZINFORM — Aqtaý qalasyndaǵy № 57, № 62, № 66, № 242, № 247, № 251 jáne № 263 saılaý ýchaskelerinde #NauryzSale aktsııasy aıasynda ulttyq taǵamdar men qolóner buıymdarynyń jármeńkeleri uıymdastyryldy.
Jármeńkede turǵyndarǵa qazaqy sút ónimderi — shubat, aıran, qaımaq, sondaı-aq tabıǵı bal, úı pisirmeleri men túrli tátti taǵamdar usynylyp jatyr.
Sonymen qatar jergilikti qolónershilerdiń ulttyq naqyshtaǵy buıymdary, kádesyılar, áshekeıler jáne turmystyq qolóner zattary kópshilik nazaryna qoıylǵan.
Shara barysynda qala turǵyndary men qonaqtary otandyq ónimdermen tanysyp, qolóner sheberleriniń eńbegin tamashalaýda. Mundaı bastamalar ulttyq dástúrdi dáriptep, jergilikti kásipkerler men qolónershilerdi qoldaýǵa múmkindik beredi.
Jármeńkege kelgen turǵyndar ulttyq taǵamdardan dám tatyp, qolóner buıymdaryn satyp alyp, merekelik atmosferany sezinip jatyr.
