Aqtaýda Naýryz merekesine oraı 200 balaǵa syılyq tabystaldy

AQTAÝ. KAZINFORM – Aqtaýda «Meıirimdi ana» qoǵamdyq qorynyń uıymdastyrýymen Naýryz merekesine oraı 200 balaǵa syılyq berildi.

Qala ákimdiginiń qoldaýymen sharada erekshe bilim berý qajettilikteri bar balalar men kópbalaly jáne az qamtylǵan otbasylardan shyqqan balalary qýanyshqa keńeldi.

Merekelik keshte balalar úshin kontserttik baǵdarlama jalǵasyn taýyp, ulttyq oıyndar oınatyldy. Onyń ishinde balalar asyq atyp, arqan tartys oıynyna qatysty. Sondaı-aq, olarǵa ulttyq kıim men taqııa tabystaldy. Sharaǵa Aqtaý qalasynyń ákimi Ulyqbek Tnalıev qatysyp, balalardy Naýryz merekesimen quttyqtady.

«Naýryznama onkúndiginde kóptegen mádenı, sporttyq is-sharalar ótip jatyr. Naýryz merekesi — túrki tildes halyqtardyń ortaq meıramy. Búgingi merekelik shara uıymdastyrýshysy „Meıirimdi ana“ qoǵamdyq qoryna rızashylyǵymdy bildiremin. Balalarǵa zor densaýlyq, baqytty balalyq shaq tileımin. Oılaǵan arman-maqsattaryńyzǵa jete berińizder. Naýryz merekesi qutty bolsyn», — dedi Aqtaý qalasynyń ákimi Ulyqbek Tnalıev.

Sondaı-aq, balalarǵa táttiler men arnaıy syılyqtar tabys etildi. Merekelik dastarhanda jaıylyp, «Meıirimdi ana» qoǵamdyq qorynyń jetekshisi Dınara Kóktaýbaı bul shara óńirge qarasty basqa aýdandarynda da ótkizilgenin jetkizdi.

«Jalpy Naýryz merekesine oraı uıymdastyrylǵan shara Mańǵystaý oblysy boıynsha ótkizildi. Aqtaý qalasymen qorytyndylandy. Negizgi maqsat — balalarǵa kóterińki kóńil-kúı syılaý. Balalarymyz aman bolsyn!», — dedi «Meıirimdi ana» qoǵamdyq qorynyń jetekshisi Dınara Kóktaýbaı.

Mańǵystaýda Naýryznama aıasynda eki júzge jýyq is-shara uıymdastyrylady. https://kaz.inform.kz/news/nauriznama-mangistauda-189-s-shara-oted-4fa1d3/ Buǵan deıin Mańǵystaý oblysynda 29 aqpan men 3 naýryz kúnderi aralyǵynda Alǵys aıtý kúnine oraı 10 myńǵa jýyq is-shara ótken bolatyn.

Al Amal merekesine oraı Otpan taýda bir neshe mádenı sharalar ótkizildi.