Aqtaýda mysyqty ústinen myjyp, jábirlegen turǵynǵa úkim shyqty

AQTAÝ. QazAqparat - Aqtaý qalalyq sotynda jarııa túrde janýarǵa qatygezdik kórsetken O-ǵa qatysty is qaraldy, dep habarlaıdy QazAqparat.

Aqtaý turǵynyna Qylmystyq kodekstiń 316-baby 3-bóligi boıynsha aıyp taǵyldy.

Sottalýshy O. 4 qazan saǵat 22.00 shamasynda basqa adamdardyń kóz aldynda qasaqana mysyqtyń ústine sekirip, ony qorlap, mertiktirip, sodan keıin janýardy jaqyn mańdaǵy saıabaqqa tastap ketken.

Prokýror sottalýshyny 6 aı merzimge bas bostandyǵynan aıyrýdy surady.

Sottalýshy O. óz kinásin tolyq moıyndady jáne bas bostandyǵynan aıyrmaıtyn jaza taǵaıyndaýdy surady.

Sottalýshynyń kinási jaýap alý hattamasymen, beınekameraǵa jazylǵan beınejazbamen, veterınardyń qorytyndysymen dáleldendi.

Jazany aýyrlatatyn mán-jaı joq, aıypty ókingen.

O. sot úkimimen QK 316-babynyń 3-bóligi 5-tarmaǵynda kózdelgen qylmysty jasaǵany úshin kináli dep tanyldy jáne oǵan 6 aı merzimge bas bostandyǵyn shekteý túrindegi jaza taǵaıyndaldy.

Úkim zańdy kúshine engen joq.