Aqtaýda myńnan astam zeınetker men kópbalaly otbasyǵa tegin dári úlestirildi

AQTAÝ. QazAqparat - Aqtaýda kásipkerlerdiń qoldaýymen RF Astrahan qalasynan dári-dármekter jetkizildi. Olar kópbalaly jáne áleýmettik az qamtylǵan otbasylarǵa tegin úlestirildi, dep habarlaıdy QazAqparat Mańǵystaý oblysy ákimdiginiń baspasóz qyzmetine silteme jasap.

Atap aıtqanda, Aqtaý qalasyndaǵy áleýmettik kómek alatyn 555 otbasy, 313 kópbalaly ana, 516 ár túrli toptaǵy múgedekter men jalǵyz basty zeınetkerler, kómekke zárý taǵy 80 adamǵa paratsetomol jáne aspırın dárileri tegin taratyldy. Gýmanıtarlyq kómek jalpy sany 1464 adamǵa kórsetildi.