Aqtaýda múmkindigi shekteýli balalarǵa arnalǵan alǵashqy alań ashyldy

AQTAÝ. QazAqparat - Búgin Aqtaý qalasynyń teńiz jaǵalaýynda erekshe balalarǵa arnalǵan zamanaýı sport alańy ashyldy, dep habarlaıdy Mańǵystaý oblysy ákimdiginiń baspasóz qyzmeti.

Múmkindigi shekteýli balalar men eresekter qozǵalysyn damytýǵa arnalǵan alańda 7 jáne odan joǵary jastaǵy múgedek adamdar jattyǵa alady. Jalpy aýdany 120 sharshy metr jattyǵý alańynda 8 túrli oıyn quraldary ornatylǵan: átkenshekter, týrnıkter jáne taǵy basqa. Jaraqattan qorǵaıtyn arnaıy tósenish tóselgen.

Bul erekshe jobany «Meıirimdi júrek»qoǵamdyq jobasynyń eriktileri júzege asyrdy. Jańa alańdy odan ári kútip ustaý úshin Aqtaý qalalyq turǵyn úı-kommýnaldyq sharýashylyq bóliminiń teńgerimine beriledi.

«Bul erekshe joba tolyǵymen demeýshilerdiń esebinen turǵyzyldy. Jattyrý quraldary arnaıy tapsyryspen Almaty jáne Aqtaý qalalarynda daıyndalyp ákelindi. Osy oraıda qala turǵyndaryn, jalpyǵa ortaq qoldanystaǵy alańdy búldirmeýge, uqypty ustaýǵa shaqyramyn»,-dedi «Meıirimdi júrek» qoǵamdyq jobasynyń ókili Lazzat Kalıeva.