Aqtaýda mototsıkl júrgizýshisin qaǵyp, izin jasyrǵan júrgizýshi beınebaqylaý kamerasyna túsip qalǵan

NUR-SULTAN. QazAqparat – Aqtaýda mototsıkl júrgizýshisin qaǵyp, artynsha izin jasyrǵan júrgizýshi beınebaqylaý kamerasyna túsip qalǵan.

Mototsıkl ıesiniń qasynda bala bolǵan, dep habarlaıdy QazAqparat Lada.kz saıtyna silteme jasap.

Oqıǵa boıynsha tergeý amaldary júrgizilip jatyr, dep habarlady polıtsııa departamentiniń baspasóz qyzmeti.

Jedel-izdestirý is-sharalary barysynda polıtsııa qyzmetkerleri mototsıkldi qa,yp oqıǵa ornynan qashyp ketken «GAZel» júrgizýshisin ustady. Qazir bul is boıynsha tergeý amaldary júrgizilýde.

Zardap shekken mototsıkl júrgizýshisi, 53 jastaǵy Janǵabyl Bısenov pen onyń 10 jasar ulynyń týystarynyń aıtýynsha, qylmysty ashýǵa syrtqy beınebaqylaý kameralary kómektesken.

Kúrdeli otadan keıin mototsıkl ıesiniń aıaǵy men ıyǵyna gıps tańylǵan.