Aqtaýda meıramhanalar karantınge qaramastan tyǵylyp jumys istegen

AQTAÝ. QazAqparat - Aqtaý qalasynyń ákimdigi men jergilikti polıtsııa qyzmetkerleri birlesip Mańǵystaý oblysynyń bas memlekettik sanıtar dárigeriniń qaýlysyna sáıkes sanıtarlyq-epıdemıologııalyq talaptardyń saqtalýyna baqylaý júrgizdi, dep habarlaıdy QazAqparat tilshisi.

Monıtorıng barysynda resto-bar «Versailles» jáne «Loft Pub» bary sııaqty mekemelerdiń epıdemıologııalyq talaptardy buzǵany anyqtaldy.

Bul mekemeler saǵat 00:00-den keıin jumys isteýin toqtatpaǵan. Adamdar kóptep shoǵyrlanǵan.

Qala ákimdigi men polıtsııa qyzmetkerleri barlyq qajetti fotosýretter men beınejazbany jınap, akti toltyryp, mekeme qyzmetkerlerinen túsinikteme aldy.

Ári qaraı bul materıaldar tıisti sharalar qoldaný úshin sanıtarlyq-epıdemıologııalyq qadaǵalaý organdaryna beriledi.

Sonymen birge, kásipkerlik sýbektileriniń basshylaryna sanıtarlyq-epıdemıologııalyq talaptardv buzý birneshe ret qaıtalanǵan jaǵdaıda Qazaqstan Respýblıkasynyń qoldanystaǵy zańnamasy sheńberinde kásipkerlik sýbektileriniń qyzmetin ýaqytsha toqtata turý sharasy qoldanylady.

Aqtaý qalasynyń ákimdigi turǵyndar men kásipkerlerdi barlyq qajetti sanıtarlyq normalardy jáne azamattar aldyndaǵy áleýmettik jaýapkershilikti saqtaýǵa shaqyrady.