Aqtaýda memlekettik tý ýaqytsha túsirildi

ASTANA. KAZINFORM — Aqtaýda 12-shaǵynaýdandaǵy «Yntymaq» alańynda ornatylǵan memlekettik tý ýaqytsha alyndy. Bul týraly Aqtaý qalasy ákimdiginiń baspasóz qyzmeti habarlady.

— Aqtaý qalasyndaǵy 12-shaǵynaýdanda ornalasqan «Yntymaq» alańyndaǵy tuǵyrda turǵan memlekettik tý aýa raıynyń qolaısyzdyǵyna baılanysty ýaqytsha alyndy. Aýa raıy jaqsarǵan soń tý qaıtadan ornyna kóteriledi, — delingen habarlamada.

Aıta keteıik, búgin Aqtaýda qar jaýdy. Osyǵan oraı qalalyq kommýnaldyq qyzmet kóktaıǵaqtyń aldyn alý maqsatynda tańǵy ýaqytta qala joldaryna ınertti materıal septi. Bul jumys eń aldymen yldı (spýsk) joldar, aınalmaly (koltsevaıa) joldar jáne ortalyq kóshe joldarynda júrgizildi. Atalǵan jumystarǵa bir jaýapty sheber, bes júrgizýshi, úsh KDM tehnıkasy, bir júk tıegish, bir boıler, alty jumysshy, bir «Gazel» avtokóligi jáne bes motopompa tartyldy. Jumystar aldaǵy ýaqytta aýa raıy jaǵdaıyna baılanysty jalǵasyn tabady.

Budan buryn 15 jeltoqsan, dúısenbi kúni Qazaqstannyń 15 oblysynda jáne Astana qalasynda kóktaıǵaq pen burqasynǵa baılanysty daýyldy eskertý jarııalandy.