Aqtaýda mektep pen balabaqsha býhgalterııalary biriktiriledi
AQTAÝ. QazAqparat - Aqtaýda mektep pen balabaqshalardyń býhgalterııalary biriktirilmek. Bul týraly qalalyq bilim bólimi basshysynyń orynbasary Altynaı Eleýpova málimdedi, dep habarlaıdy QazAqparat tilshisi.
Bul júıe keı esepshilerdiń birneshe jerde jumys isteý faktisin jáne demeýshi tarapynan túsken qarajattyń qaıda ketip jatqanyn anyqtaý maqsatynda jasalyp otyr. Sondaı-aq, ata-ananyń jarnany qashan tólegenin bilý úshin de qolǵa alyndy. Biraq bul ázirshe joba retinde qaralýda. Tolyq aqparat aldaǵy ýaqytta beriledi deıdi mamandar.
Aıta keteıik, byltyr óńirde 1495 oryndyq 9 balabaqsha óz jumysyn bastasa, bıyl taǵy 3 bóbekjaı ashylmaq. Al búginde qala boıynsha 0-6 jas aralyǵyndaǵy 14 646 bala balabaqsha kezeginde tur.
«Búginde 45 esepshi úshin jumys orny bar. Al, qalǵan qyzmetkerlerge qalanyń bilim mekemelerinen bos laýazymdar usynylmaq. Demek, eshkim jumyssyz qalmaıdy. Balabaqsha men mektep basshylary tek balanyń bilimi jáne tárbıesimen aınalysatyn bolady. Ortalyqtandyrýdyń basty artyqshylyǵy - memleket qarajatyn únemdep, tıimdi josparlaý men qarjylandyrýǵa ákeledi»,-deıdi Aqtaý qalalyq bilim bólimi basshysynyń orynbasary Altynaı Eleýpova.
