Aqtaýda medıtsınalyq týrızmniń damýy talqylandy
ASTANA. KAZINFORM — Aqtaýda halyqaralyq týrıstik forým aıasynda medıtsınalyq týrızmdi damytý máselelerine erekshe nazar aýdaryldy. Bul týraly QR Densaýlyq saqtaý mınıstrliginiń baspasóz qyzmeti habarlady.
Іs-sharaǵa QR Densaýlyq saqtaý vıtse-mınıstri Ardaq Amangeldıev, sondaı-aq medıtsına salasyndaǵy otandyq jáne sheteldik sarapshylar qatysty.
Qatysýshylar jaǵalaýdaǵy týrıstik jáne saýyqtyrý aımaqtaryna, onda ornalasqan ortalyqtarǵa bardy. Olar ınfraqurylymdy joǵary baǵalap, óńirdiń medıtsınalyq-saýyqtyrý qyzmetteri salasyndaǵy eleýli áleýetin atap ótti.
Forýmnyń sheńberinde paneldik sessııa ótti. Onda jetekshi dárigerler men sarapshylar tájirıbe almasyp, salany odan ári ilgeriletý joldaryn usyndy.
Іs-shara sońynda Mańǵystaý oblysynda Densaýlyq saqtaý vıtse-mınıstri men medıtsınalyq uıym basshylarynyń qatysýymen medıtsınalyq týrızmdi damytý jáne sanatorıılik-kýrorttyq emdeý máseleleri boıynsha keńes ótti.
Buǵan deıin Aqtaýda halyqaralyq týrıstik forým ótkendigi jóninde jazǵan bolatynbyz.
