Aqtaýda maska kımegen jolaýshylardy avtobýsqa mingizbeıdi

AQTAÝ. QazAqparat- Aqtaýda maskasyz jolaýshylardy avtobýsqa kirgizbeıdi, dep habarlaıdy QazAqparat tilshisi qala ákiminiń baspasóz qyzmetine silteme jasap.

Endi kondýktorlar maskasyz jolaýshylardy qoǵamdyq kólikten shyǵaryp jiberýge quqyly.

Sheneýnikter osy talaptardyń saqtalýyn tekserip, reıdter ótkizýdi josparlap otyr.

Aımaqtyń bas sanıtar dárigeriniń naýryzdaǵy jańa qaýlysyna sáıkes avtobýsta kúsheıtilgen sanıtarlyq-dezınfektsııalyq jáne maska rejımi saqtalýy tıis.

Avtobýstardaǵy jolaýshylar sany otyratyn oryndar sanynan aspaýy tıis.

Qalalyq ákimdikte habarlaǵandaı, sheneýnikter reıd júrgizip, maskasyz júrgen jolaýshylardy anyqtaıdy.

Reıdter 8 sáýirden bastalady.

«Koronavırýs indeti taǵy da qarqyn alýda: kórshi úsh aımaq «qyzyl» aımaqqa kirdi. Osyǵan baılanysty sanıtarlyq normalardy saqtaýdy jáne qoǵamdyq kólikte betperde kııýdi suraımyz. Ózińizdi jáne jaqyndaryńyzdy qorǵańyz» delingen ákimdik taratqan habarlamada.