Aqtaýda «Masat» bazarynyń teń jarty aýmaǵy órtenip ketti
AQTAÝ. QazAqparat - Aqtaýda búgin 18:32-de 23-shaǵynaýdanda ornalasqan «Masat» bazarynda órt bolyp, saýda alańdary men taýarlar salynǵan metall konteınerler otqa orandy.
Órt 500 sharshy metr aýmaqty sharpydy. Qazirgi sátte tilsiz jaý tolyq aýyzdyqtaldy, dep habarlaıdy QazAqparat tilshisi.
«Bazardyń jalpy aýmaǵy 1200 sharshy metr. ıAǵnı, bazardyń teń jartysyna jýyq aýmaǵy órtenip ketti. Jalpy 16 konteıner men 120 saýda alańy otqa orandy. Japa shekkender joq. 4 adam qaýipsiz jerge shyǵarylyp, 100-deı adam órtti sóndirýge atsalysty» delingen Mańǵystaý oblysy TJD baspasóz qyzmetiniń ókili Gúlnár Hojabekova bergen málimette.
Órt 20-23-te tolyq sóndirilip boldy.
