Aqtaýda lańkestik jasamaq bolǵan turǵyn ustaldy
AQTAÝ. KAZINFORM - Búgin Aqtaýda Ulttyq qaýipsizdik komıteti prokýratýra qyzmetkerlerimen birge terrorızm jasaýǵa daıyndalǵan jergilikti turǵyndy ustaǵanyn málimdedi.
Kúdikke ilingen azamattyń úıin tekserý barysynda qaýip týdyratyn elementteri bar jarylǵysh qurylǵyny daıyndaýǵa arnalǵan zattaı aıǵaqtar tabylǵan.
"Ustalǵan azamat buryn kisi óltirgeni úshin sottalyp, radıkaldy dinı ıdeologııany ustanýshy retinde tirkelgen. Oǵan qatysty Qylmystyq kodekstiń 255-baby 1-bóligi boıynsha sotqa deıingi tergep-tekserý júrgizilip jatyr", - dedi UQK baspasóz qyzmetindegiler.
Ázirge quzyrly orynda lańkestik oqıǵasyn jasamaq bolǵan Aqtaý turǵynyna qatysty aqparattardy taratqan joq. Buǵan qatysty qylmystyq-protsestik kodekstiń 201-babynyń 1-bóligine sáıkes ózge aqparat jarııa etýge jatpaıtyny aıtylyp otyr.
