Aqtaýda qyzdar kafeniń esigin balǵamen uryp syndyrǵan

AQTAÝ. QazAqparat – Aqtaýda bir top qyz 7-shaǵynaýdanda oranalasqan «Arabella» kafesi esiginiń shyny bóligin balǵamen syndyrǵan, dep habarlaıdy QazAqparat tilshisi.

Oqıǵa beınebaqylaý kamerasyna túsip qalǵan.

Oqıǵa búgin tańerteń bolǵan. Kameraǵa jasóspirimderdiń esiktiń shyny bóligin balǵamen qalaı urǵanyn túsip qalǵan.

Kafe ıesiniń aıtýynsha, qyzdar eshteńe urlamaǵan.

Tártip buzǵan qyzdar oqıǵa ornynan qashyp úlgergen.

Degenmen kásip ıesi bolǵan oqıǵany aıtyp, polıtsııaǵa shaǵymdanbaǵan.

Kásipker atalǵan boıjetkender óz kinásin túsinip, kelgen shyǵyndy ózderi ótep beredi degen úmitte.

«Biz bul máselemen polıtsııaǵa áli júgingen joqpyz. Men qyzdardyń ómirin buzǵym kelmeıdi. Bir túsinispeýshilik bolǵan bolar. Olardyń ata-anasy taspany kórse, ózderi kinásin moıyndap, kelgen shyǵyndy ótep beredi degen úmittemin», - deıdi dámhana ıesi.