Aqtaýda qylmystan japa shekken balalarǵa qoldaý kórsetý ortalyǵy ashyldy
Sonymen qatar, ashylý saltanatyna ortalyq jáne jergilikti bılik organdarynyń ókilderi, halyqaralyq ókilder jáne beıúkimettik uıymdar shaqyryldy. Іs-shara barysynda barlyq qatysýshylarǵa Qazaqstandaǵy Eýropalyq Odaq pen ıÝNISEF uıymdarynyń birlesken baǵdarlamasy sheńberinde jabdyqtalǵan balaǵa meıirimdi bólmeler kórsetildi.
Aqtaý qalasyndaǵy synama ortalyqtyń negizgi maqsaty - qylmys qurbandaryna jáne kýágerlerine aınalǵan balalarǵa jáne otbasylaryna áleýmettik-quqyqtyq jáne psıhologııalyq qoldaý qyzmetterin kórsetý arqyly olardy qoǵam qataryna qaıta qosý. Qylmys jáne zorlyq-zombylyq qurbandaryna jáne kýágerlerine aınalǵan balalarǵa qyzmetter kórsetý balalardyń múddelerine barynsha saı keletin kámeletke tolmaǵandarǵa arnalǵan ádilsot jáne balalardyń quqyqtaryn qorǵaý júıesiniń mańyzdy quramdas bóligi bolyp sanalady. Zorlyq-zombylyqtyq zalaldy áseri kóbinese balanyń kez-kelgen týyndaıtyn sot isterin qaraýǵa qatysýy saldarynan kúsheıe túsedi.
Qazaqstannyń 2015 jylǵy tórtinshi merzimdi baıandamasyna bergen qorytyndy eskertpelerinde BUU Bala quqyqtary jónindegi komıteti ádilsot júıesinde balalarǵa psıhologııalyq qoldaý kórsetýdi jáne balalarmen áleýmettik jumys jasaýdy qamtamasyz etý úshin jaýapty organnyń joqtyǵyna alańdaýshylyq bildirgen bolatyn. Osyǵan oraı, BUU Bala quqyqtary jónindegi komıteti Qazaqstanǵa qajet bolǵan jaǵdaıda ádilsot júıesine túsken barlyq balalarǵa psıhologııalyq jáne áleýmettik kómek kórsetilýin qamtamasyz etýge keńes bergen.
Synama ortalyqtyń jumysy Mańǵystaý oblysynyń bilim, densaýlyq saqtaý, quqyq qorǵaý jáne sot organdarynyń qoldaýymen «Meıirim» qoǵamdyq qorymen birge júzege asyrylyp jatyr. Balalarǵa jáne olardyń ata-analaryna 2016 jyldyń maýsymynan bastap Ortalyqta qyzmetter kórsetile bastady. Synama ortalyqtyń jumysynyń nátıjeleri boıynsha usynys-keńester ázirlenip, qylmys qurbandaryna jáne kýágerlerine aınalǵan balalarǵa qoldaý kórsetý qyzmetteriniń úlgisi Qazaqstan Úkimetiniń nazaryna ulttyq deńgeıde yqtımal engizý úshin usynylady.
Eske sala ketsek, elimizde 2014 jyldyń maýsym aıynan bastap EO jáne ıÝNISEF uıymdarynyń «2014-2017 jj. arnalǵan Qazaqstandaǵy balalarǵa arnalǵan ádilsot jáne olardyń quqyqtaryn qorǵaý júıesin nyǵaıtý» atty birlesken baǵdarlamasy júzege asyrylýda, onyń maqsaty Qazaqstan Úkimetine halyqaralyq standarttarǵa saı, balalarǵa meıirimdi, jan-jaqty quqyqtyq júıe jasaýda qoldaý kórsetý. Atalmysh baǵdarlama Shyǵys Qazaqstan, Qyzylorda jáne Mańǵystaý oblystarynda júzege asyrylyp, jalpy bıýdjeti 2,4 mln eýro quraıdy. Baǵdarlamany júzege asyrý 2017 jyldyń maýsymynda aıaqtalady dep josparlanýda.
