Aqtaýda kúzetshi quny 1 mln teńgeden asatyn spırtti ishimdikterdi qoldy etken
AQTAÝ. QazAqparat - Aqtaýda kúzetshi quny 1 mln teńgeden asatyn spırtti ishimdikterdi urlaǵan. Al vıskı, tekıla, konıak sııaqty qymbat ónimderdi ol kóshede kezdeısoq azamattarǵa satyp júrgen. Bul týraly Aqtaý qalalyq sotynyń sýdıasy Aıda Bulaqbaeva málim etti, dep jazady tumba.kz.
Іs materıaldary boıynsha, 32 jastaǵy G. Ómirzaq aýylynda óndiris bazasyn kúzetetin. Onyń spırtti ishimdikter turǵan qoımaǵa kirýge ruqsaty bolǵan jáne ol osy múmkindikti paıdalanǵan. Úsh aıda ol absent, araq, vıskı, martını, sharap, shampan sııaqty ózge de spırtti ishimdikterdiń birneshe jáshigin urlaǵan. Keltirilgen shyǵyn 1 302 294 teńgeni qurap otyr. Úsh aıdan soń ishimdikterdiń joǵalǵany belgili bolǵan. Kúzetshi de sol kezde ustaldy.
Aıypker óziniń istegenderin tolyq moıyndaǵan. Ol urlaǵan ishimdikterdi kóshede beıtanys adamdarǵa satqanyn aıtqan. Budan bólek kúzetshi bazadan qara metaldy da urlaǵan jáne ony metal synyqtaryn qabyldaý oryndaryna ótkizip jibergen. G. óziniń aıybyn moıyndap, shyǵyndy ıesine óteıtinin aıtyp, sottan qatań jaza qoldanbaýdy surady.
«Aıypker kináli ekendigin ózi moıyndady jáne onyń áreketinen zardap shekken azamattyń dálelderi men ózge de materıaldar G-nyń aıypty ekendigin kórsetip otyr. Jalpy alǵanda onyń aıyby ózi moıyndamasa da dáleldenetin edi. Ol úkimniń qatań bolmaýy úshin bárin jasady. Alaıda, zardap shekken azamat ony keshirmeı otyr. Óıtkeni ol shyǵyndy ótemegen. Endi oǵan QR QK-niń 188 baby 3 bóligi boıynsha aıyp taǵylyp otyr. ıAǵnı ol bótenniń múlkin asa iri kólemde ıesine bildirmeı urlady», - dedi Aıda Bulaqbaeva.
Aıypkerdi sot kináli dep taýyp, múlkin tárkileı otyryp, 3 jylǵa bas bostandyǵynan aıyrdy.
