Aqtaýda quıyndy jelden kólikter men úılerge zaqym keldi
Qaladaǵy 26-shy shaǵynaýdanda 41-shi úıdiń kirpish qorshaýy turaqta turǵan avtokólikke qulaǵan. Odan bólek, kópqabatty úıdiń syrtqy qaptama bólshekteri jaqyn mańdaǵy kólikke túsken.
Mańǵystaý oblystyq Polıtsııa departamentiniń aqparatyna saı, sol kúni Munaıly aýdany Qyzyl-tóbe aýylynda Saǵynysh kóshesinde qatty jel saldarynan 30-shy úıdiń aýmaǵyndaǵy ýaqytsha qurylystyń shatyry ushqan. Qaza bolǵandar men zardap shekkender joq. Oqıǵa saldarynan elektr jelisiniń eki tiregi zaqymdaldy. Jóndeý-qalpyna keltirý jumystaryna «Mańǵystaý aımaqtyq elektrjelilik kompanııasy» AQ, «Mańǵystaýenergo» MKK – 7 tehnıka men 27 adam jumyldyryldy. 09:00-de jóndeý-qalpyna keltirý jumystary tolyǵymyn aıaqtaldy. Tirshilikti qamtamasyz etý nysandary shtattyq rejımde jumys istep tur.
Jetibaı aýylynda uqsas jaǵdaı boldy. Onda qatty jelden joldyń boıyndaǵy bitpegen ǵımarattyń shatyry ushyp, joldy bógep qalǵan. Oqıǵa ornyna bir tehnıka men 4 qyzmetker jiberildi.
Atap ótý kerek, bir táýlik buryn Aqtaý qalasynyń tótenshe jaǵdaılar basqarmasy jeldiń kúsheıip, onyń ekpini 30 m/s-qa deıin jetetini týraly eskertti. Osyǵan baılanysty turǵyndarǵa úıde otyrýǵa, al avtokólikterdi aǵashtar men senimsiz qurylystardan alys qoıýǵa keńes bergen edi.
