Aqtaýda qutqarýshylar qulyptanyp qalǵan páterlerden eki zeınetkerdi alyp shyqty

AQTAÝ. QazAqparat - Birinshi oqıǵa 15-shaǵyn aýdanda bolǵan. Egde jastaǵy er adam syrtqy esikti asha almaǵan. Ekinshi jaǵdaı 14-shaǵyn aýdanda tirkeldi. Zeınet jasyndaǵy áıel qulyptanyp qalǵan. Bul týraly Mańǵystaý oblystyq tótenshe jaǵdaılar departamentiniń baspasóz qyzmeti habarlady.

Keshe, 13 maýsym kúndiz 15-shaǵyn aýdandaǵy №43 úıdiń 5-qabatynda ornalasqan qulyptaýly páterde egde jastaǵy er adamnyń ishte qalyp qoıǵany týraly habar túsken. Belgili bolǵandaı, jalǵyz turatyn 70 jastaǵy zeınetker syrtqy esikti asha almaǵan. Kelgen qutqarýshylar páterge avtobaspaldaq arqyly kirip, onyń shyǵýyna kómektesken.

Dál osyndaı oqıǵa 13 maýsym kúndiz 14-shaǵyn aýdandaǵy №39 úıdiń 5-qabatynda ornalasqan páterde de bolǵan. Egde áıel syrtqy esigin asha almaǵandyqtan, qutqarýshylardyń kómegine júgingen.