Aqtaýda qutqarýshylar balyqshynyń máıitin tapty
Mańǵystaý oblysynyń tótenshe jaǵdaılar departamentiniń habarlaýynsha, «Shora» dep atalatyn «MAEK-Qazatomónerkásip» JShS sý aǵyzý kanalynan joǵalyp ketken balyqshyny izdestirý jumystary aıaqtaldy.
Qutqarýshylar balyqshynyń máıitin sýdan shyǵardy.
«1994 jyly týǵan er adamnyń máıiti búgin, 19 shildede, saǵat 18.20-da tabylyp, sýdan shyǵaryldy. Múrde jedel járdem qyzmetkerlerine tapsyryldy», - dedi Mańǵystaý oblysy TJD basshysynyń orynbasary Bekbolat Ábdiqadyrov.
Aqtaý qalasynyń syrtyndaǵy sý aǵyzý arnasynda balyq aýlaý kezinde adam sýǵa batyp ketken bolatyn. Qutqarýshylar 18 shildeden beri balyqshyny izdeý jumystaryn jalǵastyrǵan bolatyn.
Mańǵystaý oblysy boıynsha TJD mamandary Kaspıı teńizinde adamdardyń sýǵa ketýiniń negizgi sebepterin atady. Sýdaǵy qaıǵyly oqıǵalardyń basty sebepteri qaýipsizdik erejelerin saqtamaý, tyıym salynǵan jáne jabdyqtalmaǵan jerlerde sýǵa shomylý, mas kúıinde sýǵa túsý bolý bolyp tabylady.
Teńizdegi balalardyń ólimi balalaryn qaraýsyz qaldyratyn ata-analardyń jaýapsyzdyǵymen baılanysty. Jyl basynan beri aımaqta sýdaǵy qaýipsizdik erejelerin saqtamaý saldarynan segiz adam sýǵa batyp ketti. Onyń ishinde bir bala. Taǵy 14 adam qutqaryldy.