Aqtaýda qurylysshylar bir otbasynyń tórt adamyn sýǵa batyp ketýden qutqaryp aldy
Mańǵystaý oblysy Tótenshe jaǵdaılar departamentiniń órt sóndirý jáne apattyq-qutqarý jumystary qyzmetiniń málimdeýinshe, eki kishkentaı qyzy bar erli-zaıypty otbasymen arnaǵa túsip shomylmaq bolady. Bir kezde olardyń barlyǵy sýǵa bata bastaıdy.
Sol mańda jumys istep jatqan qurylysshylar jedel kómekke attanǵan. Olar japa shegýshilerdi sýdan shyǵaryp, dárigerge deıingi alǵashqy kómekti kórsetken. Sodan keıin qutqarýshylar men polıtseılerdi, jedel járdemdi shaqyrǵan.
«Batyl jigitterge alǵys bildiremiz. Olar barlyǵyn durys istepti. Bastysy, olar qater tóngen adamdardy ajaldyń aýzynan alyp shyqty. Olar - Meırambek Jıenbaev pen Qanat Qýatbaev. Túgel bir otbasyny qutqarǵany úshin olarǵa kóp alǵys aıtamyz», - deıdi TJD ókili Rýkııa Sycheva.