Aqtaýda qurylysshylar arasynda janjal shyqty
«Rixos Water World Aktau» qonaqúıi aýdanynda salynyp jatqan nysan qurylysshylary arasynda janjal shyqty. Bul týraly oblystyq Polıtsııa departamentiniń baspasóz qyzmeti habarlaıdy.
Vedomstvonyń baspasóz qyzmetiniń málimetinshe, jumysshylar arasyndaǵy qaqtyǵys 29 maýsymda shamamen keshki saǵat 19.20 kezinde qurylys alańynda bolǵan. Kásiporynnyń kúzet qyzmeti jáne qoǵamdyq tártipti qamtamasyz etetin polıtsııa qyzmetkerleri qurylys alańyndaǵy janjaldy toqtatqan.
«Oqıǵa ornynda kúzet bastyǵy, Aqtaý polıtsııa basqarmasynyń bastyǵy jáne óńirlik polıtsııa departamenti bastyǵynyń qatysýymen profılaktıkalyq áńgime júrgizildi. Derek boıynsha janjalǵa qatysqan jumysshylardan araz-shaǵym túsken joq. Qazirgi ýaqytta jaǵdaı turaqtalyp, baqylaýǵa alynǵan»,-delingen habarlamada.