Aqtaýda qurylys alańynda er adamnyń máıiti tabyldy

AQTAÝ. QazAqparat- Aqtaýda qurylys alańynda er adamnyń máıiti tabyldy, dep habarlaıdy QazAqparat tilshisi.

Bul týraly Mańǵystaý oblystyq polıtsııa departamentiniń baspasóz qyzmeti habarlady. Osy oqıǵaǵa qatysty«Ózin-ózi óltirýge deıin jetkizý»baby boıynsha sotqa deıingi tergeý júrgizilip jatyr.

Departamenttiń málimetinshe, er adamnyń máıiti 10 qarashada 28a yqshamaýdandaǵy qurylysy aıaqtalmaǵan úıden tabylǵan.

«Atalǵan derek boıynsha Aqtaý polıtsııa basqarmasynyń sotqa deıingi tergeýdiń biryńǵaı tiziliminde QR Qylmystyq kodeksiniń 105-baby 1-bóligi boıynsha tirkeldi (óz-ózine qol jumsaýǵa jetkizý). Qazirgi ýaqytta óz-ózine qol jumsaý sebepteri anyqtalyp jatyr. Sot-medıtsınalyq saraptama taǵaıyndaldy. Sotqa deıingi tergeý amaldary júrgizilýde»,- delingen habarlamada.